Paul van Loon cu talento local

Den cuadro di Festival di Buki pa Mucha, Biblioteca Nacional Aruba ta ofrece mucha un presentacion special di escritor di buki, Paul van Loon. Esaki ta tuma lugar na Cas di Cultura diamars awor pa 6or y mey. Carchinan ta obtenibel na biblioteca na Playa y San Nicolas y na MFA Noord y Paradera pa solamente 5 florin. 

Musiconan local cu ta acompaña Paul van Loon ta gitarista Jeanoir A. Koolman. Jeanoir tin 14 aña tocando guitara. Jeanoir tabata alumno di Derrick Lopez, Edwin Kock, Ivan Jansen, Martin Buitenweg y Serghio Jansen. Su genero preferi ta Jazz, y e tin su mesun banda cu yama ‘Live Xpressions’ y esaki ta toca rond di Aruba na diferente hotel/restaurant. Alex Koolman ta e otro musico cu ta acompaña Paul van Loon diamars atardi. Alex ta percusionista y e tambe a cuminsa practica musica di chikito. Alex Koolman ta toca cu Robert Solo Banda show y ta yuda otro gruponan musical. E ta toca den diferente festival di Himno y bandera. Biblioteca Nacional Aruba ta invita mucha y adulto pa e presentacion special aki di escritor di buki, Paul van Loon.  

Paul van Loon ta un escritor di buki pa mucha y su genero preferi ta suspenso. Den pasado Paul van Loon a participa na dos ocasion na e Festival di Buki pa Mucha, na 1995 y 1998. Paul van Loon a skirbi masha hopi buki mes y ta bon conoci pa su serie ‘Griezelbus’. Su bukinan a keda traduci den varios idioma.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn