Paul van loon y algo mas

Biblioteca Nacional Aruba ta invita mucha y adulto pa un presentacion di escritor di buki, Paul van Loon. Esaki specialmente pa e di 25 edicion di Festival di buki pa mucha 2017. Paul van Loon ta un escritor di buki pa mucha y su genero preferi ta suspenso. Den pasado Paul van Loon a participa na dos ocacion na e Festival di Buki pa Mucha, na 1995 y 1998. E muchanan cu e tempo ey tabata gusta lesa Paul van Loon y a haya bishita di dje na scol awendia ta adulto cu te ainda ta fan di e escritor di buki pa mucha di fama mundial. Paul van Loon a skirbi masha hopi buki mes y ta bon conoci pa su serie ‘Griezelbus’. Su bukinan a keda traduci den varios idioma.

Ademas di e presentacion di Paul van Loon lo tin un “jamsession” di varios di e autornan y contadonan di cuenta cu ta participa e aña aki ya cu varios di nan ademas di conta storia ta trece poesia ritmico acompaña pa un instrumento.

E presentacion ta tuma lugar na Cas di Cultura diamars dia 7 di november pa 6or y mey. Carchinan ta obtenibel na biblioteca na Playa y San Nicolas y na MFA Noord y Paradera pa solamente 5 florin. 

Pa su website www.paulvanloon.nl y un lista di tur su bukinan bishita https://nl.wikipedia.org/wiki/Paul_van_Loon





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn