Placido Hazel ta canta den concierto diasabra awor

Diasabra anochi tin un presentacion musical na Cas di Cultura pa recauda fondo pa talentonan hoben. Motor tras di e Benefit concert aki ta Carlos Bislip. Placido Ricardo Hazel ta un di e cantantenan cu ta deleita publico.

Placido a nace na Aruba na 1946, y el a lanta den un famia musical, den tempo di The Rolling Stones y The Beatles. Na 1964 el a cuminsa canta cu e Soul Formation yama ‘The Twilights’ y despues cu ‘The Blue Rythm Combo’ bao di e nomber artistico Placido Steward. Na december 1971 Placido a dicidi di bay biba na Hulanda. Practicamente henter su bida el a canta y a duna presentacion musical hopi caminda.

E ta resumi su carera di e manera aki: “After performing 26 years as a professional Jazz singer in Europe and travelling to many countries with bands like “The deep river quartet” and many others, singing at the North Sea Jazz festival was an absolute highlight of my career and a huge achievement in my career. Music is a part of my body and soul. On stage I transform into a different human, ready for the job. Old school Jazz and evergreens are my favorites. Louis Armstrong and Ella Fitzgerald are my idols.
My message to young boys and girls with talent who dream of being great one day is: “Work hard every day and never lose hope“. “Go on stage give your heart and soul to your public every time
.”

Placido a saca hopi grabacion. Durante e añanan atras Placido a logra di haya un bon reputacion, danki na e diferente experiencianan trahando cu diferente grupo y orkesta. Placido ta spera hopi hende lo bin e presentacion na Cas di Cultura diasabra awor. E ta priminti di duna su maximo manera un profesional di su caliber. Alabes e ta spera cu e Benefit concert ta logra e meta di yuda talentonan musical. Presentacion ta cuminsa 8or pero tin un ‘Meet the artist’ for di 7or. Tur hende ta bon bini, carchinan ta solamente 35 florin.

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn