Presentacion di ‘Kruithuis: un aña despues...’

Sra. Marilyn Alcalá-Wallé ta presenta su buki  “Kruithuis”: un aña despues..., na Biblioteca Nacional Aruba diahuebs anochi dia 23 di april. E presentacion ta cuminsa 7or y mey.

E buki ta describi e tragedia cu a tuma lugar na Kruithuis na Corsou cu a costa bida di 4 persona y a laga basta hende herida. Ya ta mas cu un aña cu e tragedia a tuma lugar y keto bay e  ta un misterio con e por a pasa. Riba dia 15 di december 2012 por a scucha diripiente un explocion enorme cu a zona manera un bom. Despues a resulta cu tabatin un explocion na Kruithuis. Varios persona a haya heridanan grave y  a fayece mesora. Otronan a fayece despues.

E autor su intencion ta pa keda conmemora e victimanan di e desgracia. E buki ta fungi tambe como un forma di documentacion y ta manda un mensahe pa ta masha cuidadoso cu klapchi y deposito di klapchi. E autor ta conta tambe di su experencia personal y pensamentonan y sentimentonan riba e dia aki. E buki tin 51 pagina y ta ilustra cu potret di e sitio caminda e accidente a sosode. E presentacion ta pa publico general.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn