Presentacion di buki 'Cas di biento' di Olga Orman

Biblioteca Nacional Aruba ta invita tur hende pa un presentacion di e buki Cas di Biento di Olga Orman.
Tambe lo tin un presentacion recordando Hubert (Lio) Booi. Hunto cu e presentacionan lo tin canto.

https://www.youtube.com/watch?v=VKjgCtgpeOM

Biblioteca Nacional Aruba cu prome actividad cultural 2015 cu presentacion di un obra literario di Olga Orman y homenahe/tributo na Lio Booi.

Biblioteca Nacional Aruba, Instituto Pedagogico Arubano y gestor cultural Mirto Laclé ta desea di invita pueblo en general pa ta presente dia 15 di januari 2015 pa 7.30 di anochi na Biblioteca Nacional Aruba, Oranjestad pa e prome actividad cultural di aña 2015.

Den cuadro di conmemoración di e di cinco siglo di expulsión di e población autoctono di Aruba pa Hispañola BNA y IPA lo tin un anochi cultural den cual lo presenta e obra literario Cas di Biento skirbi pa Olga Orman y edita pa ‘In de Knipscheer’, Hulanda y tambe lo rindi tributo/homenahe na Huberto Obdulio ‘Lio Booi’ (1919-2014).

Lo ta un anochi multidisciplinario cu presentacion di diferente grupo cu declamación , música, canto y documentario.

Grupo Melange bou di guia di Maybelline Arends-Croes lo deleita publico cu cancionnan compone pa Lio Booi cu música di Maybelline Arends-Croes. Grupo ‘69’ Amor di Kibaima bou di liderazgo di Roy Sneek lo interpreta algun canción di e obra di teatro (musical) skirbi pa Lio Booi. Lo presenta documentario relaciona cu Boneiro y Lio Booi.

Grupo di Dande di Vicente y Nelson Tromp lo t’ey pa ofrece nan dande y desea tur presente un prospero 2015.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn