Presentacion di e buki ‘E fucu di e piedra pretonan’

Diamars dia 26 di mei autor sra. Yolanda Croes ta na biblioteca pa un presentacion di su ultimo buki titula “E fucu di e piedra pretonan’. Esaki ta cuminsa 7or y mey y ta tuma lugar den hardin di departamento  Arubiana/Caribiana na Bachstraat # 5.

Sra. Yolanda Croes ta autor di “Unda Bo Ta Mami?”, "Perdi riba lama", "Acompaña pa un angel : e tragedia di buelo 2000" y ta directora di Scol di idioma. Den ‘E fucu di e piedra pretonan’ e autor ta hiba e lesador den un mundo paranormal pa medio di e caracter principal, e hoben Xindrah cu tin un ‘amistad’ cu un spirito cu yama Paulina. Yolanda Croes ta skirbi riba e pagina di Facebook ‘My bookcorner by Yolanda Croes’: “esaki ta un buki di spirito y bol'i fuego cu a invadi bida di un hoben. E storia ta uno viridico y cu ne mi ta purba conscientisa nos hendenan di e peligronan envolvi.” Durante e anochi di presentacion sra. Yolanda Croes ta conta un tiki mas di e storia y publico por haci pregunta.

E publicacion aki a keda realisa cu sosten di UNOCA. E ta costa 20 florin. ISBN 978 990 418 675. Escritora Yolanda Croes lo firma tur buki e anochi aki. Personanan interesa pa tuma contacto cu e autora despues pa un pedida por manda un mail na croestruestories@yahoo.com of yama na Cell. # 6900169.

 

 

 

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn