Presentacion di obra literario ‘A Lee Chip’

Dialuna, 25 di april 2016, di 7.00 pa 9.30 di anochi lo tin presentacion di obra literario na Biblioteca Nacional Aruba. Theodore (Ted) Johnson ta presenta su obra literario ‘A Lee Chip: a dictionary and study of Saban English’. Tambe tin presentacion di Marlene Hernandez Casillas di ‘Museo de Las Americas’ di Puerto Rico cu ta presenta ‘El indio y la herencia Africana en Puerto Rico’. Esaki den cuadro di Dia Internacional di derecho di autor.

E publicacion “A Lee Chip: A dictionary and study of Saban English” skirbi pa Theodore (Ted, Teddy) Johnson ta trata un parti grandi di e idioma, e historia y e cultura di Saba. Na e isla Caribeño Hulandes, Saba, e termino ‘Lee Chip’ ta haci referencia na un splinter chikito di algo. E diccionario ta documenta y ta describi mas cu 2.500 palabra y frase local (di Saba). No solamente e ta reconoce, honra y rindi homenahe na e vocabulario local cu ta haci Saba unico, pero tambe e ta yuda garantisa e reservacion di hopi palabra y termino cu di un of otro forma lo a bay perdi pa historia. Un diccionario nobo relaciona cu Ingles di Saba pa preservacion di dialecto Ingles papia na Saba. Professor Dr. Walt Wolfram di Language & Life proyect na NC State University a dirigi y giua e proyecto di e obra aki. Dr. Wolfram ta manifesta: “E prome diccionario di dialecto di Saba ta un icono cultural monumental’. Bo por scucha e bos unico di personanan di Saba den e expresionnan local cu ta honra y rindi homenahe na e tradicionnan cultural di Saba. Un ‘landmark’ linguistico, historico y cultural. E obra ta inclui un estudio profundo encuanto pronunciacion y gramatica di Ingles di Saba, skirbi pa Caroline Myrick, un studiante di e programa pa obtene su titulo di doctor, na NC State University, kende a analisa e Ingles di Saba den su tesis pa obtene e titulo di Masters degree.

Tambe lo tin un presentacion di e buki di Ted Johnson na IPA, Isaac Wagemakerstraat 11, San Nicolas dia 28 di april, di 7.00 pa 9.30 di anochi. Tur hende ta cordialmente invita. 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn