Presentacion di pelicula di Gabriel Garcia Márquez, Premio Nobel 1982 na Tele-Aruba

E pelicula Crónica de una muerte anunciada ta e creacion magistral di Gabriel García Márquez.  Produccion importante aki ta bou direccion di Francesco Rosi. Ta bisa cu e pelicula ta e miho di cine Colombiano, cu ta trata e temanan di un amor, un honor perdi, un traicion y un morto.

Despues di hopi aña, un cronista di edad avansa ta bishita e scenario di e historia tragico, na unda un crimen sangriente a tuma luga. Un pueblo tropical, cu un clima cayente na oriya di un gran riu, na unda practicamente no sa y tabata sosode nada, te na e momento cu e comerciante rico y misterioso, Bayardo San Roman ta yega na e pueblo y e ta namora di Angela Vicario, e mucha muhe mas bunita di e pueblo. Pero … Angela Vicario no ta virgen, Bayardo San Roman ta reclama Angela y e ta debolbe Angela na su famia riba e mesun anochi di nan boda matrimonial.

E conmocion ta inmenso. E rumannan ohochi Pedro y Pablo Vicario ta obliga nan ruman muhe, recien casa, pa e confesa e nomber di e persona culpabel di su deshonra. Ora nan a haya sa cu ta Santiago Nassar ta e culpabel, nan ta cana vocifera cu nan lo no descansa te ora nan tuma venganza sangriente di e deshonra di nan ruman muhe Angela. Dicho venganza sangriente ta tuma luga, mientras cu casi henter e pueblo ta testigo indiferente di e historia tragico aki.

Esaki lo pasa riba diabierna 7 di april, despues di sorteo di Lotto pa Deporte pa 9:10 PM atravez di Tele-Aruba Canal 13/23. 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn