Prome Figaroa a yega Aruba na 1816

Directora di Biblioteca Nacional Aruba a haya bishita di sr. Urbano Figaroa. Sr. Figaroa a caba su investigacion di genealogia di descendientenan di e prome Figaroa cu a yega Aruba na aña 1816, conoci den bukinan bieu di historia bou nomber di Hose Anselmo Figaroa.

Urbano Gregorio Figaroa a nace na Alto Vista na 1943 como yiu homber di Augustinus Figaroa y Rosa Maria de Cuba. Sr. Figaroa tin 74 aña y a titula su investigacion ‘Genealogia 2016’ y esaki ta trata famianan Figaroa di Noord. Sr. Figaroa a logra bay bek 7 generacion y como 1500 descendiente. E investigacion a tuma como 2 aña. sr. Figaroa a haya un curiosidad pa e lasonan familiar di Famianan Figaroa. Su prome buskeda a cuminsa cerca sr. Joe Figaroa ex- director di Censo. Despues e investigacion a sigui online den database Genlias cu ya no ta existi mas y despues a bira ‘Wie was wie’. Na archivo el a yega di haya su stamboom cu a bay te na su welo. Sr. Urbano Figaroa a bishita e hendenan grandi di e diferente famia Figaroa y a trata di haya informacion for di e bukinan di misa di Noord. Esaki tabata hopi dificil como cu e papel ta garna y tin buki cu no por habri mas como cu nan ta den un estado asina delicado. Asina poco poco a yega na e produccion cu sr. Figaroa a laga imprimi na Merca (50 ehemplar). Awor sr. Figaroa ta bay dedica su mes na haci investigacion pa e genealogia di famia de Cuba cu ta di parti su mama.

E buki cu sr. Urbano Figaroa a entrega na directora di Biblioteca Nacional Aruba, sra. Astrid Britten, ta pa warda den Coleccion nacional.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn