Prome periodo di bishita na cas pa 2014

Debi na hopi actividad den luna di mei juni (actividad di Paalzitten) e prome periodo di bishita na cas ta poco mas laat e aña aki. Directiva di FBNDD ta pidi disculpa pa esaki.

Diadomingo, 22 di juni,  Fundacion Bon Nochi Drumi Dushi a duna un tayer como preparacion pa e prome periodo di lesamento pa 2014 na un grupo di boluntario di e fundacion.

Un biaha mas FBNDD por conta cu un grupo di boluntario hopi motiva y interesa, un aspecto di hopi importancia pa exito di e bishitanan na cas.

Tawata un tayer interactivo cu a ofrece e boluntarionan un variedad grandi di herment y formanan di traha practico pa kishiki e interes di lesamento cerca e mucha y stimul’e pa coy un buki y drenta den e mundo magico cu storia ta ofrece.

Olga Buckley a yama e boluntarionan bon bini y a splica punto di salida di e proyecto y con esaki ta hinca den otro. Sra. Buckley a amplia tambe riba e codigo di comportacion durante e bishitanan na cas. Rubia Bernabela, a  introduci  e procedura di e bishitanan na cas, meta di e diferente formularionan y con pa yena esakinan. A presenta un slideshow na e boluntarionan, pa nan haya un impresion di e diferente actividadnan di e proyecto e.o e bishitanan na cas.

Na final e boluntarionan a haya handout cu tur informacion di e proyecto, cu tip pa usa na ora di lesa y tambe e tasnan pa e muchanan cu lo haya nan bishita den e siguiente 4 simannan.

Boluntarionan cu no por a asisti na e tayer mester tuma contacto cu fundacion durante oranan di oficina pa haya splicacion di e procedura di e bishitanan nan cas y nan material necesario pa haci bishita. FBNDD kier enfatisa cu e boluntarionan nobo mester participa na e tayer pa haya splicacion debido. Sin e preparacion di tayer e boluntarionan cu ta nobo no por cuminsa cu nan bishitanan.

Fundacion Bon Nochi Drumi Dushi ta desea tur boluntario hopi exito durante un temporada unico y inolvidabel cu nan lo experencia na ora di haci e bishitanan di lesamento na cas.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn