Promocion di lesamento cu atencion special pa placer di lesamento

Diamars mainta sra. Angelique Maduro di Dept. Enseñansa Aruba a duna un presentacion di nan proyecto na empleadonan di biblioteca. Un proyecto di promocion di lesamento cu atencion pa e placer di lesamento dirigi riba mucha di scol y tambe maestronan.

Meta principal di e proyecto ta pa stimula muchanan di scol primario pa lesa mas y cu placer door di pasa den mas experencia placentero y motivante cu buki y lesamento na scol. Pa haci un publico grandi mas consciente di e importancia di lesa ta un meta adicional.

E enfoke ta goso y placer. Un mucha cu ta lesa cu placer na scol, lo lesa hopi mas pafo di scol tambe y gosa di e beneficionan awor y durante henter su carera di scol y su bida. E proyecto piloto ta core di 2013 pa 2015. Ta cuminsa na 2 scol basico, Pius X School y Rosario College.

Proyecto Promocion di Lesamento tin 5 actividad: informacion na maestro, mayor y mucha (e.o. via website), conscientisa publico di importancia di lesamento, sostene maestro di scol primario cu mas conocemento pa promove lesamento cu placer, sostene e bibliotecanan di scol cu mas buki y material.

Empleadonan di biblioteca por a intercambia di idea cu sra. Maduro y haci pregunta y duna sugerencia.

Pa pregunta por tuma contacto cu Angelique Maduro na Proyecto idioma, DEA, tel. 582 3360





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn