Proyecto Educacion Basico pa adulto

Na maart 2016 Departamento di Enseñansa Aruba a cuminsa cu e proyecto di Educacion Basico: "Focus op Geletterdheid" riba tereno di Enseñansa pa Adulto. E proyecto aki tin como meta pa hisa e grado di educacion di adulto na Aruba. E grupo meta ta e adulto cu ta biba na Aruba cu no a alcansa e nivel final di ciclo basico di educacion secundario (seis aña di scol primario y dos aña di ciclo basico di MAVO/EPB).E proyecto aki ta wordo subsidia door di Fondo Desaroyo Arubano (FDA) y lo sigui te December 2016.

E producto final lo ta un documento di conseho y un "meerjarenplan" enfoca riba e sistema di alfabetisacion cu lo mester wordo aproba pa Minister di Enseñansa. Esaki cu e proposito pa hisa e nivel di alfabetismo di e poblacion di adulto na Aruba. Asina lo promove oportunidad pa crecemento riba tereno laboral, continuacion di estudio y miho integracion den nos comunidad pa e ciudadano Arubiano.

Departamento di Enseñansa Aruba ta organisa na Aruba Marriott Resort un conferencia diabierna 19 di augustus 2016 cu varios stakeholder riba e topico menciona. Riba e dia aki lo tuma luga workshop riba varios topico y alabes lo tin dialogo entre diferente organisacion pa asina e expertonan comparti nan conocemento, necesidad y locual ta considera prioridad riba e topico di alfabetisacion pa adulto. 

Unabes cu adkiri tur e informacionnan ricibi durante e conferencia lo traha un documento di conseho y un "meerjarenplan" cu lo wordo presenta na Minister di Enseñansa pa aprobacion. Na final di november 2016 lo oficialmente presenta e conseho y plan aproba durante un otro conferencia.

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn