RBC royal bank pa 7 aña caba sponsor di Festival di buki pa mucha

Biblioteca Nacional Aruba ta organisa e popular Festival di Buki pa Mucha. Pa e festival aki un grupo di autor- y contadonan di storia ta bishita diferente scol den siman binidero di 1 pa 8 di november. Banda di esaki tin un programa di merdia na Biblioteca Nacional Aruba.

E tema di e festival di buki pa mucha e aña aki ta Deporte y Wega, Biblioteca Nacional Aruba a forma un grupo di escritor, ilustrador y contador di storia hopi diverso y for di diferente pais. Aruba, Corsou, Bonaire, Costa Rica y Hulanda.

Muchanan di scol por spera presentacion di: HULANDA: Lydia Rood, Fred Diks, Anna Woltz. COSTA RICA: Carol Britton. BONAIRE: Kathleen Thielman. CORSOU Ariadne Faries, Tio Ali. ARUBA: Gino Vrolijk, Emerita Emerencia, Robert Reeberg, Diana Marchena, Munye Oduber-Winklaar, Liliana Braamskamp-Erasmus. Nan ta bishita scolnan pa presenta nan mes y conta algo di nan buki, tambe pa lesa fragmento for di nan buki of sea hasi un wega cu e muchanan. Ta e intencion pa stimula un interaccion entre mucha y autor. E festival ta duna autor local tambe un oportunidad di comparti nan creacion cu mas mucha. Y pa haci promocion pa nan buki y storia.

RBC Royal bank ta kere fuertemente den apoyo di promocion di lesamento y pa e motibo aki tin 7 aña caba ta sostene e festival aki. Gerente di biblioteca ta hopi agradecido pa e sosten di RBC Royal bank.

Tur mucha ta invita pa e fiesta di apertura diabierna dia prome di november dilanti biblioteca pa 5 or di atardi. Tur actividad ta gratis. Dilanti di Biblioteca Nacional Aruba lo tin diabierna prome di november un dushi ambiente, cu show, canto, bendemento di buki, cushina y bar bon surti. Un y tur ta bon bini pa pasa for di 5or di atardi.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn