REAL REALISTICO

REAL REALISTICO ta e exposicion nobo na Ateliers '89! E exposicion aki ta habri Diadomingo awor 5 di Mei 2013 pa 6or, di atardi y lo ta pa un luna largo.

E exposicion aki di e participantenan di e workshop DIBUHO, dicta pa Nigel Matthew, lo ta uno hopi varia cu participacion cu no menos cu 21 participante. Cu artistanan di caliber y hoben pintornan cu talento exelente. Un exposicion unda ta ilustra e principionan di dibuho y tur esaki bou guia di e Maestro di Ilustracion y artista grandi di Aruba, Nigel Matthew. Un variacion grandi un muestra unda bo mes por compara entre alumnonan ken ta cai na bo gusto, uno mas o uno menos, pero cada un cu nan mes un estetica o experticio di arte contemporaneo of clasico. Asina REAL REALISTICO ta keda interesante pa mira.

Tambe lo tin un oportunidad unico di mira un MINI RETRO di su director Elvis López, un biahe den pasado. Cu obranan cu a representa Aruba na Bienalnan famoso na varios ocasion den exterior. E obranan aki aunke no por ta tur pa motibo di espacio ta hiba bo na, e añanan di oro di arte contemporaneo di Aruba y e Internacionalisacion di esaki. Tambe e obranan cu a causa hopi controversia den nos arte local y internacional. Please no perde e oportunidad aki unda lo presenta tambe onbranan recien y e continuacion di e conceptonan crea caba y di unda e obranan aki ta nace y ta haña nan exsistencia.

E exposicionnan aki ta habri pa un luna y ta posibel pa bishita tambe cu Rondleiding, yama si semper pa afspraak 5654613, tambe pa scolnan. Di 11or am pa 5or pm. Diariamente menso weekend.

E show Diadomingo awor  ta cuminsa 6or cu performances, Dj's, Snacks Arubiano y nos Bar di semper, pesei bini uno bini tur y disfruta di un otro anochi ameno y agradabel sosteniendo y gozando di nos arte local na Ateliers '89.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn