Reglamento Centro di Informacion Digital (CID)

Reglamento di Centro di Informacion Digital (CID)

  1. Tur usuario mester registra y legitima su mes cu carchi di biblioteca valido of cu cedula, rijbewijs of paspoort, cerca e trahado di biblioteca den CID prome cu sinta tras di computer. Mucha di scol por legitima su mes tambe cu carchi di scol, carchi di bus of un carchi di biblioteca valido.
  2. Usuario di 18 aña ariba ta paga pa uzo di computer
  • Miembro ta paga Afl. 1,00 pa prome ora, despues tin posibilidad pa prolonga un mey ora pa Afl. 1,00 pa mey ora, te cu un maximo di dos ora. Miembrecia mester ta valido.
  • No miembro ta paga Afl. 2,00 pa prome ora, despues tin posibilidad pa prolonga un mey ora pa Afl. 1,00 pa mey ora, te cu un maximo di dos ora.
  1. Uzo di Internet pa muchanan entre 4-11 aña ta solamente posibel bou guia di un adulto. Cu excepcion ora ta traha cu programa di texto pa proyecto di scol.
  2. Dilanti cada computer por sinta solamente dos (2) persona. Pa proyectonan (di scol) por sinta un maximo di cuater (4) persona. 
  3. E uzo di computer pa programa di texto y internet ta limita na un maximo di un (1) ora. Por prolonga e tempo solamente cu aprobacion di e trahado di biblioteca den CID. Por uza computer pa wega te un maximo di un (1) ora mainta y mey ora (½) merdia y anochi. Por prolonga esaki cada biaha cu mey ora (½) te un maximo di dos (2) ora. E trahado di biblioteca den CID ta dicidi ki ora e tempo a pasa.
  4. Pa warda y/of baha informacion e usuario mester uza su propio USB/memorystick.
  5. Un biaha pa siman ta kita informacion cu a warda riba e computernan di CID. Lo kita tur informacion cu e usuario a warda riba e computer. CID/BNA no ta responsabel pa informacion cu ta warda riba e computernan.
  6. Por print solamente DESPUES cu a haya aprobacion di e trahado di biblioteca den CID. Ta paga di biaha pa tur print cu a saca (fout tambe). Print NO ta destina pa meta comercial; no mas cu 50 ehemplar di e mesun documento. Tarifa pa print: preto Afl. 0,25 /A4 y pa color Afl. 1,00 /A4. 
  7. E computernan ta propiedad di Biblioteca Nacional Aruba y e usuario no tin derecho di cambia nada na e “settings” y otro configuracionnan di e computer. No por haci escogencia riba un computer specifico, e trahado di CID ta indica cua computer por uza.  
  8. Usuario cu intencionalmente daña computer of otro material di CID/BNA lo wordo nenga pa drenta den CID. Lo trece e gastonan di reparacion of reemplaso di e aparato riba cuenta di e persona.
  9. Ta prohibi pa wak website di porno y imagennan pornografico. Lo nenga uzo di computer na e usuarionan cu no mantene nan mes na e prohibicion aki pa un periodo di tres luna minimo. 
  10. Caha ta cera diescinco (15) minuut prome cu orario di ceramento di biblioteca.
  11. No ta permiti pa come of bebe den CID. No ta permiti di papia na telefon den CID. Mester mantene semper e sonido/nivel di stem na un nivel rasonabel.
  12. Biblioteca Nacional Aruba no ta responsabel pa maluzo di cuentanan di e-mail y medionan social cu  no a wordo cera corectamente na final di sesion.




Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn