Relato di bishita di autor na scol

Gino Vrolijk na Cayena Kleuterschool.
Cayena Kleuterschool a yama Gino un bonbini caluroso y cu un scol bunita decora. Contando su buki cu el a skirbi pa e festival, ‘Na caminda pa e fiesta grandi’ Gino a deleita e chikitin di Cayena Kleuterschool. Cu weganan di su buki e tabata entretene e muchanan y laga nan participa gosando di e momento. Na dado momento tur nan timides a kita y nan a hasta balia cu hopi smaak.

Anna Woltz, autora Hulandes na Scol Pastoor Kraanwinkel
Ta Anna su prome biaha na Aruba y el a keda encanta cu nos isla y ta dispuesto na bolbe. Su presentacionnan na scol tabata diferente na cada scol y el a ripara cu e muchanan di 6de klas tabata participa miho cu esnan di 4de. El a ripara cu tabata cuestion di idioma y pesey e tabata purba di papia mas trankil y traduci e palabranan dificil na Papiamento. E maestronan tabata traduci esaki p’e.
Dunando un bunita presentacion di su bukinan y un chispa divertido, cu su pechi di koki, demostrando e muchanan di e scol con el a bira un escritora for di un edad hopi jong y con el a logra esaki.
El a puntra e alumnonan kico bo mester haci pa skirbi un buki y nan tabata sa precies kico nan lo cuminsa cu’ne pa logra esaki. Fantastico!

Liliana Braamskamp- Erasmus, escritora di Aruba y un tremendo contado di cuenta.
Cu un ‘traba-lenga’ hopi original Liliana a entretene e alumnonan di Scol Preparatorio di Kudawecha, di un manera fantastico. Ta pone e muchanan hari pa baster cu chansanan ora di traha un cuenta caminda nan tin di caba e palabranan cu ‘chi’. Hopi pret pa mira cuanto atencion e alumnonan ta pone pa nan no comete error. 
Tambe ta pone nan rap, pa despues laganan mes pensa y inventa nan propio storia di un manera original. Den un solo palabra: ‘Fantastico’.

Fred Diks presenteert zijn boeken te Colegio Conrado Coronel.
De leerlingen van Colegio Conrado Coronel waren rustig en luisterden zeer aandachtig naar Fred. Ze reageerden op een zeer volwassen manier op alle vragen die Fred aan hen stelde.
Met een leuk gespeelde verlegenheid, van meneer Stanco werd hij door Fred naar voren geroepen om uitleg te geven van wat een uitgeverij voor de schrijver betekent.
Het klaslokaal was leuk versierd, met boeken van Koen Kampioen en ook het logo en flyers van het Kinderboekenweek. Een mooie presentatie op Colegio Conrado Coronel.
 
Munye Oduber-Winklaar cu un bunita presentacion na Prinses Amalia school
Prinses Amalia school a prepara bunita pa ricibi nos autora Munye Oduber. Scol a wordo dorna bunita y na cada skina e tabatin mesanan cu weganan y obhetonan di deporte.
Cu hopi disciplina y autoridad Munye a lesa cuentanan y dunando e alumnonan oportunidad pa por a splica locual nan a comprende di e storia. Un berdadero juffrouw di scol.

Kathleen Thielman, contado di cuenta di Bonaire na e actividad di Merdia
Cu boca habri e muchanan a keda ta scucha e cuenta di Kathleen, di comienso di su  presentacion te na final. Increibel con Kathleen ta duna bida na e personahenan di su storia, haciendo di e cuenta uno cu bo ta sintibo cu bo ta bibando e storia realmente.
Un sala cu basta mucha a presencia e actividad aki di 3 pa 4 or di atardi.

 

 

 

 

 

 

 

 

 


 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn