Rosamento di tereno

Nathalie Maduro director di LVV (Santa Rosa) den un entrevista cu Matutino DIARIO ta expresa su preocupacion pa tanto rosamento di tereno. director di Departamento di Agricultura, Cria y Pesca (LVV), ta haci su esfuerso pa stimula comunidad pa conserva naturalesa.

Otro esfuerzo di LVV ta traha cu mucha y hoben. Santa Rosa ta participa na e Green Education Symposium di Biblioteca Nacional Aruba. Santa Rosa ta presenta diferente tema pa purba di conscientisa muchanan di scol. Dunamento di charla na scol hopi biaha ta a base di peticion di scolnan mes. Sra. Maduro a splica cu nan sa cu LVV ta dispuesto ora scolnan mester di dje, pero ta dificil pa traha agenda pasobra e curriculum di scol hopi biaha ta yen. Pero LVV ta bishita scolnan, hopi biaha hasta ta hiba mata of e alumnonan ta bin LVV haya un recorido y un splicacion cortico.

Sra. Maduro a mustra su preocupacion cu hopi tereno eigendom ta wordo rosa. LVV ta señala cu si nos no conserva e areanan unda cu tin un concentracion mas grandi di naturaleza, pero tambe den terenonan di huur, e lo tin efectonan negativo den futuro. LVV semper ta bisa e cunukeronan cu kizas a haya un tereno cu no a wordo uza pa hopi aña, cu prome cu rosa sin mas investiga ki tipo di mata tin, y con e mata aki por yude.

Sra. Maduro a subraya cu desaroyo ta bin cu su prijs hopi halto. El a expresa cu tur hende kier un cas, aworaki tin hopi interes pa negoshi y aunki na Aruba ta purba di motiva mas negoshi posibel, mester tira un bista riba supermercadonan grandi cu ta wordo traha, y hopi biaha un banda di otro, y nan ta riba un tereno propio (eigendom) e no tin di haber cu gobierno mes, pero nos como habitante di Aruba mester bira consciente.

Un persona cu tin un tereno propio cu kier bende tin su derecho di haci esaki, pero mester purba wak kico otro por haci cune, na luga di bende pa traha cas; kizas, tin otro proyectonan cu por desaroya den dje cu ta mas rendabel. No ta intencion di sra. Maduro pa bisa ningun hende kico nan mester haci cu nan tereno, el a subraya esey, pero ta un realidad cu hopi tereno grandi cu ta propiedad awendia ta wordo rosa, por ta cu matanan di cual no tin hopi mas na Aruba, pero cu por ripara cu diripiente nan ta bira completamente asfalta of yen cu klinkers, y si nos sigui asina dentro di un par di aña e ta bay trece consecuencianan negativo, segun director di LVV sra. Nathalie Maduro.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn