Rudi Lampe

Armando (Rudy, Pader Lampe) ta e escritor di e buki “Mi ta djis cumpli cu mi deber”. Su nombernan oficial ta Armando Rudolfo. Su nomber di escritor ta Armando Lampe, p’esey na America Latina, na unda el a publica mas, e ta conoci como Armando. Armando a nace na Aruba na 1958.

Hopi a haci e pregunta, pakico un sacerdote a scohe pa bay den politica. Kico ta e motivacion tras di su hechonan? Cua ta e balornan cu tabata y ta guia su actonan. E ta spera cu e lector despues di lesa e buki a comprende miho cu no tin contradiccion entre su escogencia di e tempo ey pa bira sacerdote y su decision awor pa ta parlamentario.

Rudi LampeFor di su humilde casita den cunucu e ta wak bek y ta reflexiona riba su bida. Lo e no molestia e lector cu detayes di su infancia, di su hubentud y di su bida adulto. Aunke tin detayes curioso, manera e tabata cana cu cabei largo tempo cu e tabata studia na Colegio Arubano, y cu bril al estilo di John Lennon. Tampoco e ta molestia e lector cu tur e detaye di su estudionan.

Despues cu el a termina VWO na 1976 el a sigui su estudio di teologia na Katholieke Iniversiteit Nijmegen, unda el a gradua como doctorandus den teologia(cum laude). Despues el a studia sociologia y a obtene su master’s degree den sociologia na Universidad Iberoamericana(cum laude). El a termina e programa di doctorado den estudionan latinoamericanona Universidad Nacional di Mexico y el a culmina e ciclo aki na 1988 ora el a ricibi su grado di doctor den ciencia social na Vrije Universiteit Amsterdam.

Na 1986 dia 22 di Maart el a keda ordena sacerdote den parokia di Sta. Cruz, unda el a ricibi Bautismo, Prome Santa Comunion, Confirmacion y unda el a sirbi misa como hoben. For di e momento cu el a keda ordona sacerdote, el a scohe pa e modelo Paulino. Kico esey ta nifica? Pablo di Tarso tabata traha tent y bende esaki pa por mantene su mes y den su tempo liber e tabata predica e evangelio.

Despues di un ausencia di hopi aña, el a bin bek na Aruba, su isla natal. E mester a cumpli na 1999 ainda cu su ultimo compromisonan academico na Alemania y for di 2000 e tabata full time na Aruba. E tabata yuda na Parokia di Santa Ana, na Noord. Hopi cos a pasa cu ne aki na Aruba, pero e ta spar e lector tur detaye.
 

 

 

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn