Rusteloos en overal: het leven van Albert Helman

Awe, hefe suplente di Biblioteca Nacional Aruba, sra. Lilian Semeleer, a haya un bishita di Professor dr. Michiel van Kempen y su señora. Sr. Michiel van Kempen ta na Aruba pa un bishita di trabou y a dicidi di pasa na biblioteca pa entrega su ultimo obra; ‘Rusteloos en overal: het leven van Albert Helman’. Esaki ta un biografia di 864 pagina basa riba un estudio extenso di un decada riba e bida di Albert Helman, sinonimo pa Lou Lichtveld (1903-1996), escritor di entre otro ‘Amor op Aruba’ y ‘De stille plantage’. Helman a hiba un bida sumamente interesante, artistico y creativo, largo y yen di aventura y reto.

Professor dr. Michiel van Kempen (1957) ta docente Hulandes y ‘bijzonder hoogleraar Nederland-Caribische literatuur’ na universidad di Amsterdam. Sr. Michiel van Kempen a yega di publica caba riba e bida y carera di Lou Lichtveld. Sr. Michiel van Kempen a ricibi diferente premio durante su carera pa su contribucionnan literario.

E obra a keda publica na ‘Uitgeverij In de Knipscheer’, un cas editorial conoci pa y specialisa riba publicacionnan literario di Surnam, Aruba, e islanan Caribe-Hulandes y mucho mas. ISBN 9789062659258. Esaki ta un ehemplar pa e coleccion nacional di Biblioteca Nacional Aruba.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn