Sandaleena a yega biblioteca

Sandaleena, the queen snail of Saba, a yega biblioteca di Aruba. Como cu Sandaleena ta un cocolishi cu ta carga su cas riba su lomba esaki a tuma su tempo. Pero awor e ta na Aruba pa conta muchanan di Aruba e storia di e mes y su amigonan. Autora di e buki ‘Sandaleena’, sra. Tricia Chammaa ta biba na Saba y recientemente sra. Helen Hassel, un docente di scol basico na Saba, a entrega un ehemplar di Tricia su buki na directora di biblioteca sra. Astrid Britten.

Banda di ta propietario y hostess di Brigadoon Restaurant na Windwardside, Saba, Tricia Chammaa  ta un children's book writer. Cu e sosten di the William Froelich Foundation el a publica e buki titula "Sandaleena – The Queen Snail of Saba and Friends." Esaki ta su di seis buki y un di dos buki di e serie aki ta den produccion. Tricia Chammaa ta participa activamente den organisacion cu ta traha cu mucha na Saba.

Ilustrador di e buki ta artista visual Alejandra Zuniga. Alejandra a specialisa den ilustracion cu e medionan acrylic, gouache, inkt y potlood y despues di a traha e diseño na man e ta digitalisa e imahen den Photoshop. E artista a purba pa medio di imahen crea e storia cu ta siña mucha pa no tira sushi rond y tene Saba limpi y ‘unspoiled’. E caracternan den e buki tin nomber di personanan conoci den comunidad di Saba.

Riba potret: sra. Helen Hassel (para), un docente di e scol basico Sacred Heart na Saba kende a introduci un programa di lesamento despues di scol cu yama “Turn the Page” pa muchanan di klas 1 te 6. Pa e programa e ta invita autor Tricia Chammaa (sinta) na scol pa bin lesa storia pa e muchanan.

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn