Sandaleena ta bay scol

‘Sandaleena, the queen snail of Saba’ ta bay diferente scol na Aruba. Sandaleena ta un cocolishi cu ta carga su cas riba su lomba y awor e ta na Aruba pa conta muchanan di Aruba e storia di e mes cu su amigonan. Autora di e buki ‘Sandaleena’, sra. Tricia Chamma, ta biba na Saba y ta participa na e Festival di buki pa mucha den siman benidero.

Tricia Chamma ta un escritor di buki pa mucha. Cu e sosten di the William Froelich Foundation el a publica e buki titula "Sandaleena – The Queen Snail of Saba and Friends." Esaki ta su di seis buki y un di dos buki di e serie aki ta den produccion. Tricia Chamma ta participa activamente den organisacion cu ta traha cu mucha na Saba.

Ilustrador di e buki ta artista visual Alejandra Zuniga. Alejandra a specialisa den ilustracion cu e medionan acrylic, gouache, inkt y potlood y despues di a traha e diseño na man e ta digitalisa e imahen den Photoshop. E artista a purba pa medio di imahen crea e storia cu ta siña mucha pa no tira sushi rond y tene Saba limpi y ‘unspoiled’. E caracternan den e buki tin nomber di personanan conoci den comunidad di Saba.

Tricia Chamma ta hopi entusiasma pa conta storia na Aruba y duna presentacion. Tricia a nace na Merca. Tricia y su casa tin un restaurant na Saba ‘The Brigadoon’, caminda cu su casa ta e Chefkok y e mes ta e hostess. E ta masha activo den proyectonan pa mucha y e ta un hende muhe cu diferente hobby y interes. Como cu e ta hopi motiva pa aporta na promocion di lesamento el a keda masha contento cu e invitacion pa participa na Aruba su festival di buki pa mucha.

Biblioteca Nacional Aruba ta ofrece diferente actividad pa mucha otro siman. Muchanan por topa cu autor entre 3or y 4or di dialuna pa diahuebs. Lo tin contamento di storia, musica, canto y baile. Na biblioteca San Nicolas tin presentacionnan special di Tricia Chamma, Diamars di 3or pa 4or. Tur mucha ta bon bini. Tur presentacion ta completamente gratis.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn