Scolnan a participa bon na Festival di buki

Apertura di e festival di buki pa mucha tabata den man di Colegio Sagrado Curason y muchanan di Colegio Laura Wernet-Paskel na Sta Cruz a percura pa un bunita clausura di e festival. Cu ayudo di e scolnan basico Colegio Sagrado Curason y Colegio Laura Wernet-Paskel, Festival di Buki pa Mucha 2014, a resulta un bunita evento pa e publico presente.

E alumnonan y e maestronan di Colegio Sagrado Curason a presenta un bunita show dilanti di Biblioteca Nacional Aruba na e apertura di e Festival di Buki pa Mucha, diabierna 31 di october 2014. Pabien na tur e alumnonan cu a duna nan aporte den e apertura aki.

Alabes Biblioteca Nacional Aruba kier a duna un danki tambe na e alumnonan y e maestronan di Colegio Laura Wernet-Paskel cu a logra organisa un clausura hopi bunita pa e Festival di Buki pa Mucha, diabierna 7 di november, na nan propio scol.

Cu canto y baile di e propio alumnonan, e dos scolnan aki, nan a sa di deleita tur esnan presente.

Tambe tabata presente den e clausura di FBM e 13 autornan, ilustrado y contado di cuenta di Festival di buki pa mucha 2014 cu a haya e oportunidad tambe di tuma despedida, di e muchanan cu nan a topa den e siman aki.

Biblioteca Nacional Aruba kier a duna e dos scolnan aki un danki di curason pa nan bunita trabao.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn