Servicio Mediateca Escolar

Servicio Mediateca Escolar di BNA ta un servicio special di biblioteca pa scolnan, maestronan, studiantenan di I.P.A. y otro instancianan educativo. Ademas di e servicio di prestamo e departamento SME ta duna sosten pa por habri un Biblioteca Escolar pa scolnan cu ta desea esaki. Usuarionan di Servicio Mediateca Escolar por hasi uso di e diferente coleccion cu ta ofrece. Pa menciona algun:
• Wisselcollectie : aki ta trata di un coleccion di maximo 10 buki cu por wordo presta pa maximo 3 siman. E coleccion por consisti di buki di storia y buki informativo.
• Thema collectie: e coleccion aki ta specificamente riba un tema p.e. ‘Mi curpa’, ‘flornan’, etc . Por presta e colecccion pa maximo 1 luna y mester solicita esaki 1 siman prome cu ta busca e coleccion. Por hasi e peticion via telefon y e-mail. E coleccion por consisti di storia y buki informativo.
• Klassecollectie: ta un coleccion pa usa den klas y cu por wordo presta pa 3 of 6 luna. Cada maestro mes ta scohe e buki pa e coleccion aki. E grandura di e coleccion ta depende di e grandura di e klas .
• Schoolbibliotheek collectie: dependiendo atrobe riba grandura di e scol lo ricibi un coleccion cu por wordo cambia cada 2 aña escolar.

Pa por hasi uso di Servicio Mediateca Escolar simplemente mester acudi na oficina y inscribi como miembro. Miembrecia ta completamente gratis.

Orario di oficina ta :

Dialuna :         8or – 11:45 a.m. y 1:30 – 16:45 PM
Diamars :        8or – 11:45 a.m. y 1:30 – 16:45 PM
Diaranson :        8or – 11:45 a.m. y 1:30 – 16:45 PM
Diahuebs :       8or – 11:45 a.m. y 1:30 – 16:45 PM
Diabierna :        8or – 11:45 a.m. y 1:30 – 16:45 PM 

Pa cualkier informacion por yama libremente na telefon 582 1580. Nos personal semper ta cla pa yuda bo cu bo peticion.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn