Sheila Werleman

Naci na Aruba Sheila desde chikito semper tawata pinta riba tur loke e por a haya. E tawata pinta riba recibo di awa di su mama, den schrift na scol. Den su afan y motivacion pa pinta Sheila a sigui su rumbo creativo na Modevakschool na Den Haag, Hulanda na aña 1994. Eynan un maestro a conseha Sheila pa sigui su estudio den Diseño Grafico ya cu Sheila su creatividad tabata resalta mas den su tareanan di Diseño grafico compara cu Diseño di moda. Siguiendo cu su soño pa siña con pa realisa su visionnan el a sigui desaroya su mes na Grafisch Lyceum na Rotterdam na 1995 y despues na 2004 na Pratt Shool of Design na New York.
Su prome amor pa ilustracion pa mucha a nace cu e oportunidad grandi cu Eveline Ruiz-Croes a pidi Sheila pa ilustra e buki pa mucha ‘Kitrin di Florin’. Trahando riba e ilustracion pa e buki aki Sheila a realisa cu e mucha den dje tawata kier a experencia su infancia di nobo.
Despues di 11 aña laborando na Desaroyo di Curiculo, Departamento di Enseñansa, Sheila a dicidi di pone su esfuerso den su propio compania ‘Smile Art & Design’ bou cual produccion cu e ta produci ta un revista y website pa mucha yama Cleconchi. Pasa bishita e website www.cleconchi.com
Den Sheila su tempo liber e ta gusta bay lama, reuni cu famia, sali cu amiga y amigonan, grita hari y medita. Sheila tambe ta gusta traha popchi. Abou bo por wak un strip di un di su popchinan.
Sheila a ilustra diferente buki pa mucha manera: Kitrin di Florin di e autor Eveline Ruiz-Croes, Si bestia por a papia di e autor Jacques Thönissen, Landa Lily di e autor Mili Arends y Nini ta loer, dor di Mercedes Petrocchi. Na 2011 Sheila a ilustra e buki 'Pepe Picuda y Didi Djindja' di e autor Desiree Correa, cu tabata e regalo di siman di buki. E aña aki el a ilustra e Regalo di siman di buki un biaha mas. Autor ta Charlotte Doornhein y e buki ta yama ‘E grito di e shoco - balia cu biento’.
Si bo kier sa mas di Sheila bishita su website: http://sjwerleman2001.wix.com/sheila-werleman





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn