Sinterklaas a bishita biblioteca

Sinterklaas cu su Zwarte Piet nan a bishita biblioteca diamars ultimo. Hopi mucha tabata warda Sinterklaas caba prome cu 4or, yen di expectativa y un deseo pa haya regalo y cos dushi. E sala tabata yen yen di mucha.

Y berdad tabatin un mesa cu hopi regalo. Diferente mucha a canta cantica pa Sinterklaas of a baila pa Sinterklaas. Sinterklaas a keda hopi contento cu e muchanan. Si tin mucha cu a bay den saco no ta conoci. Ni si tin mucha a keda sin haya regalo. Na biblioteca empleadonan ta kere cu tur mucha a comporta nan mes bon y tur a haya algo.

Na inicio di e programa tabata tin contamento di storia over di Sinterklaas. A pasa videoclips di Sinterklaas riba pantaya y un dushi musica di Sinterklaas a pone tur mucha swing.

Kiwanis club of Palm Beach a yuda Sinterklaas e aña aki cu tur e regalonan. Y personeelsraad di biblioteca a yuda e Zwarte Pietnan cu cos dushi y mangel pa parti. Biblioteca ta gradici tur e asistentenan di Sinterklaas pa asina Sinterklaas por a haci su trabou bon.

Masha danki.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn