Sunset and evening star

Isaac J. Chin (’18), autor local di 96 aña a publica su obra , titula ‘Sunset and evening star’. E autor a regala biblioteca 5 ehemplar di e obra aki. Biblioteca Nacional Aruba tin diferente otro buki di e autor aki den su coleccion, entre otro ‘Where is Choy?’ y ‘Tilly, the white-liver woman’.

Isaac Chin a publica ‘Sunset and evening star’ na 2013. Den e introduccion e autor ta skirbi: “In this age of hustle and bustle, dishonesty, greed for manufactured things, and the drive to get ahead, tenderness, which must be part of everyone’s heart is often displaced. In order to escape from the mess that’s all around us, it is necessary that we take time off now and then, to let sentimentality, spontaneous childishness and Christian humility take over. I do so occasionally by reading those of my writings that have come from deep within me because they reflect the value of tender, loving and lasting relationships. And, thus, I find them: Tonic and balm for my stress-filled days. I share them with you. E obra ta un coleccion di storia cortico y poesia. Pa un gran parti autobiografico y basa riba recuerdonan di su hubentud y bida na diferente parti di Caribe. E autor a inclui tambe fragmento di un buki cu el a publica anteriormente titula ‘Tilly, the white-liver woman’, E titulo ‘Sunset and evening star’ ta referi na e fase di bida cu sr. Chin ta aden.

Sr. Chin ta publica tur aña un kalender cu bunita potret. E entrada cu esaki ta genera ta bay pa un organisacion caritativo manera Aruba Animal Shelter y YMCA. Isaac Chin a nace na Spaarendam, Guyana. Un gran parti di su carera profesional el a traha na LAGO. Despues di a baha cu pensioen sr. Chin a dedica su mes na skirbimento y tur otro actividadnan cu e ta gusta y cu e ta haya interesante. Su lema ta: “I do the things I enjoy doing, hoping that others might enjoy the things that I do”. Por cumpra ‘Sunset and evening star’ cerca e autor mes y pronto por fia esaki na biblioteca tanto na playa como na San Nicolas.

Otro publicacionnan di autor aki ta; ‘Where is Choy’ (Autobiografia), ‘The Natalee Holloway case’, ‘Joran Joran my son my son’, ‘Tilly, the white-liver woman’, ‘Gardening without tears’ (UNOCA) y ‘Galaxy of fruits Aruba grows (UNOCA).





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn