Superwela den coma

Cariño di Siman di Buki pa Mucha 2016 ta cla! Esaki ta un buki nobo pa mucha na 2 idioma, Papiamento y Hulandes. E buki su titulo ta ‘Super wela den coma’ (na Hulandes ‘Superoma in coma’). E buki ta un regalo den cuadro di e Festival di buki pa mucha. Cu cada compra di buki na libreria di 25 florin minimo. ta haya e buki aki gratis (tanten cu tin den stock). Cu esaki biblioteca conhuntamente cu e librarianan local participante na e Festival di Buki  kier stimula lesamento un poco mas.

E mucha homber Stan tin un super wela y un super welo. Despues cu su welonan a bin biba na Aruba Stan, su ruman muhe chikito y su mama tambe a bin biba na Aruba. Stan kende semper kier traha spreekbeurtnan hopi special ta presenta un superspreekbeurt tocante su super welonan. Pero un dia su superwelo, kende ta un mago, ta haci un joke cu wela. Di spanto wela ta bay den un coma. Stan y su ruman muhe kier haci tur cos y todo por todo pa saca nan Super wela for di un coma. Lesa mas di e aventuranan cu Stan ta pasa den cu su famia.

Autor di e buki ta Fred Diks, ilustracion ta di Rudyomar Leysner, traduccion na Papiamento di Lilian Semeleer, Redaccion Jeroen Hoogerwerf. Esaki ta un publicacion di Levendig Uitgeverij, cop. 2016. E ta contene 96 pagina. ISBN 978 94 91740

E buki aki a keda realisa cu cooperacion di Antraco Aruba NV, Biblioteca Nacional Aruba, Bruna, De Wit Stores, Divi Imapct, FCCA, Fundacion Lotto pa Deporte, Plaza Bookshop, Guardian Group, Kiwanis Club of Palm Beach, Plus Accountants, Quota Club, RBC Royal Bank, Van Dorp y Zeerover.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn