Suspenso pa un siman largo pa tur mucha

Festival di Buki pa Mucha 2017 tin como tema ‘Suspenso’ (Griezelen) y e lema ta “... wanta, sigui lesa, no spanta!”. Asina e comision a informa prensa awetardi. Na 2017 biblioteca ta organisa e di 25 edicion di e festival pa mucha. Un evenemento grandi cu ta stimula mucha rond Aruba pa lesa mas. E buki di e festival di buki pa mucha ta di Sjoerd Kuyper y ilustracion di artista visual, Stan Kuiperi y ta carga e titulo ‘Het spannendste boek van de wereld”. Evelyn Ruiz-Croes ta traduci esaki na Papiamento (E buki mas excitante di mundo).

Apertura di e Fesitval lo ta dia 3 di november pa 6or te 8or, patras di e edificio di biblioteca na Playa. E bishitanan na e scolnan lo ta di 6 pa 10 november 2017.

Durante e merdianan tambe lo tin presentacion di diferente autor na biblioteca tanto na Playa como na San Nicolas na Theresita Center. Orario: 3or pa 4or. Clausura lo ta dia 10 di november 2017. Tur mucha ta bon bini!





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn