Tabletcafe 60+ na biblioteca

Biblioteca Nacional Aruba ta invita tur 60-plus pa su Tabletcafe 60+, diamars awor, dia 7 di juni. E mainta aki personanan riba 60 aña cu kier haya sa poco mas di nan Tablet of Smartphone por sinta un rato cu un mentor pa haci pregunta. Por haci pregunta tambe di Social Media . Un team di biblioteca plus boluntario ta warda tur bishitante di 60-plus. E indole di e mainta aki ta pa siña algo nobo, comparti conocimento y socialisa. Esaki ta gratis. Diamars mainta di 9or pa 12or, drop in un rato. Cada bishitante ta trece/ bin cu su propio Tablet of Smartphone. Esaki tambe ta un oportunidad pa conoce e coleccion di biblioteca y otro servicionan.

Ta cuminsa e mainta cu un presentacion di SVb. Sr. Luis Tromp ta duna un demostracion con ta nabega riba e portal di e departamento di pensioen di SVb, con ta /traha un account y maneha esaki. E meta di SVb ta pa brinda su pensionadonan tur su servicionan via un portal cual ta alcansabel via www.svbaruba.org. Por ta practico pa personanan riba sesenta aña cu no ta mucho familiar cu e website di SVb pa ta presente. E demostracion ta di 9or pa 10or. Despues ta sigui cu Tabletcafe 60+.

 

Dia:     Diamars dia 7 di juni

Lugar: Biblioteca na Playa (Hal)

Ora:    Mainta entre 9or pa 12or





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn