Tambu: Tradicionnan di Aruba, Boneiro y Corsou

Instituto Pedagogico Arubano y Biblioteca Nacional Aruba y organisado drs. Mirto Lacle ta invita henter e comunidad di Aruba pa asisti na e prome actividad cultural, linguistico y literario di aña 2014: ‘The night holds me back’.

Nochi no ke laga mi bai ta un documentario produci pa sra. Caterine Ariëns encuanto e forsa y poder di tambu di Corsou. Riba tononan di tambu di pasado catibonan por a expresa nan dolor di e inhumanidad di sclavitud y a la vez expresa forsa pa por sobrevivi. Tambu di awendia tambe ta cubri e mesun necesidad pa expresa sentimento. Den e documentario Nochi no ke laga mi bai Tambu ta demostra harmonia di canto, musica y baile. Esaki ta surgi di e cultura cu e catibonan di Africa a hiba na hermana isla Corsou. Den e temponan aya Gobierno Colonial Hulandes cu Iglesia Catolico a prohibi y suprimi Tambu cu consecuencia cu pueblo tabatin berguensa pa su propio cultura. Tambu contemporaneo ta libra di e pasado aki y duna un bista den alma y mente di un gran parti di e poblacion Curasoleño. ‘Mas bo sera, mas mi bria’ (Tambu Pichi Lebeton).

Vicente Tromp y su grupo lo deleita esnan presente cu un dande autentico di Aruba. Boneiro lo keda representa cu Maskarada. Bini un, bini tur!

Fecha: diahuebs, 30 januari 2014

Luga: Biblioteca Nacional Aruba (Madurostraat)

Orario: 7or di anochi

Entrada: gratis

Pa mas informacion por tuma contacto cu sr. Mirto Lacle na 740 2044 of 586 8998.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn