Tanto Cuenta’ den Centro Deportivo Betico Croes

Manera Fundacion Bon Nochi Drumi a priminti Tanto Cuenta ta bishita diferente bario y districto na Aruba. Despues di e exitoso presentacionnan na Scol di Arte na San Nicolas, Centro di Bario Noord y Centro di bario Dakota awo districto di Santa Cruz ta na turno. Nos tur tin bunita recuerdo di e cuentanan di hada cu nos mayornan of nos maestronan na scol tabata conta nos. Nos tur tabata soña cu e prinsnan cu ta salba e prinsesnan for di e malvadonan. Pa hopi tempo nos no ta tende mucho cuenta di hada mas, pero nan t’ey si. E storianan ey ta pa semper, nos por rebiba nan awor.

Den e plannan di tempo largo di FBNDD nos a incorpora cuenta di hada. Na momento cu UNOCA a acerca nos pa un proyecto ci contamento di storia, esaki a pas precies den vision di FBNDD. Grandi y chikito por disfruta di cuenta di hada tradicional den un ambiente magico durante e actividad di Tanto Cuenta. Meta di FBNDD ta pa presenta Tanto Cuenta den diferente bario na Aruba. E presentacionnan na Scol di Arte, Centro di bario Noord y Centro di bario Dakota a yena e salanan completamente. Tin famia cu a gosa asina hopi di e presentacionnan asina hopi cu nan a bishita tur tres.

E funcion na Centro Deportivo Betico Croes ta riba diasabra 12 di maart y diadomingo 13 di maart di 6or pa 8or





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn