Tayer ‘Pone un mucha drumi dushi’

Manera custumber, Fundacion Bon Nochi Drumi Dushi ta haci tur lo posibel pa aporta na placer di lesamento den nos comunidad. Directiva ta purba ta mas diversifica posibel den esaki. No tabatin espacio pa duda ora cu autora Evelien van Dort, cu ta participa na Siman di buki di BNA, a ofrece pa duna un tayer pa yuda mucha pega soño  y drumi bon. Sra. Van Dort tin 30 aña di experiencia como fisioterapista, cu specialisacion riba tereno di mucha y hoben. Continuamente mayornan ta acerca Sra. Van Dort cu e peticion pa yuda nan cu e problematica di pegamento di soño di nan yiu. E preocupacion di  mayor aki a inspira Sra. Van Dort pa diseña e tayer.

E tayer lo ta hopi practico durante cual Sra. Van Dort lo haci uzo di storia pa pega soño y cierto masashi cu ta stimula un soño trankil. Sra. Van Dort ta traha den grupo chikito pa por duna atencion specual na cada participante.

FBNDD a invita un grupo di 8 persona, cu den futuro lo por pasa e conocimiento y experiencia atkiri cu otro interesado. Pa medio di esaki nos ta invita bo pa bin comparti e tayer importante y inovativo aki cu nos.

Fecha: 30 di oktober 2014.

Orario: 18.30 pa 20.00.

Luga: Cede di FBNDD den edificio di Cedehm.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn