Tres den un: tres charla den un anochi

Diamars anochi 24 di mei ta tuma luga un actividad interesante na Arubiana/Caribiana, un departamento di Biblioteca Nacional Aruba den Bachstraat 5 na Oranjestad.

Tres orador, tres charla, tres diferente topico.

E anochi ta habri cu sr. Ramon Todd Dandaré Mag.Ling. E linguista ta bay presenta un analisis comparativo di verbo di Caboverdiano cu verbo di Papiamento. Ta bon conoci cu Papiamento y Caboverdiano ta dos rama di e mesun palo. Por asta bisa cu e lenga cu mas parce Papiamento ta Caboverdiano. Nos lo ripara esaki durante e presentacion aki.

Despues ta sigui sr. Renwick Heronimo, MA Critical Studies. Titulo di su charla ta ‘Den e sombra di Babel’. E presentacion ta origina na aña 2000 na momento cu sr. Heronimo durante un estadia na Venezuela ta ser confronta cu locual ta ideal y kico ta realidad y con esaki ta traduci su mes den e arkitectura y arte den e pais.

Pa clausura e anochi dr. Adi Martis ta duna su presentacion cu e titulo ‘Miho conoci como...: nomber di cariño na Aruba’. Sr. Martis tin mas cu cinco aña ta skirbiendo historia di Aruba y cobando den archivonan e ta ripara cu nos famnan, nombernan y nombernan di cariño ta cambia. El a cuminsa colecciona nan y investiga e con y pakico nan a cambia. E resultado preliminar ta den su charla.

E actividad ta cuminsa 7.30 anochi y ta den e sala di Arubiana/Caribiana na Bachstraat. Entrada ta gratis.

 

* Analisis comparativo di paradigma aspectual di verbo regular di Caboverdiano cu verbo di Papiamento
Ramon Todd Dandaré Mag. Ling
* Den e sombra di Babel
Renwick Heronimo  MA Critical Studies
* Miho conoci como… : nomber di cariño na Aruba
dr. Adi Martis

 

* * * 
Fecha: Diamars 24 di mei 2016
Luga: Departamento Arubiana/Caribiana
Bachstraat 5, Oranjestad
Ora: 7.30 – 10 or pm

Gratis





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn