Trilogia di storia di Aruba pa Coleccion Nacional

Escritor Anton Homan (1943) a haci sra. Astrid Britten, directora di Biblioteca Nacional Aruba, un bishita pa entrega 3 di su bukinan.  Anton Homan ta bishita Aruba hopi y el a skirbi diferente storia cu ta basa riba su experencianan na Aruba. Titulonan di cada edicion di e trilogia ta, ‘De Nederzetting’, ‘Vreemde Kostgangers’ y ‘Het gevoel’. Semper el a warda su anotacionnan di su impresionnan durante su estadia na Aruba y su dibuhonan. Poco poco e deseo a crece pa skirbi texto pa acompaña e material visual acumula durante hopi aña. Cinco aña pasa e autor a dicidi di dedica tur su tempo na skirbi di e aventuranan cu 2 amigo ta pasa aden ora cu nan ta bay keiro na diferente parti di nos isla. E escritor ta trata alabes na duna poco informacion historico di Aruba mezcla den e storianan.

E bukinan aki ta obtenibel pa medio di e servicio online ‘Print on demand’ (pod) y entrante otro siman interesadonan por consulta nan na Dept. Arubiana. Na Departamento Arubiana ta colecta y warda tur material y obra tocante di Aruba y produccionnan di autor local.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn