Turn your Heritage into Art!

Workshop di arte y herencia cultural for di Dialuna 4 di September na Ateliers '89. Dicta pa e maestronan di Corsou y Hulanda, Ruben de La Cruz y Karolien Helweg.

Artistanan Ruben de La Cruz y Karolien Helweg ta bin Aruba pa haci un investigacion di e herencia perdi di casnan traha di bleki na Aruba. Den e casnan aki nan tawata biba durante e tempo di gloria di e rafinaderia di azeta LAGO. E investigacion aki nan kier haci, nan dos hunto, cu un x cantidad di participante den e workshop cu nan ta bay duna na Ateliers '89 bou di e titulo "Haci arte di bo herencia".

Participa

Tur hende cu kier haci arte y ta haya nan herencia cultural importante ta wordo yama pa participa y asina yuda cu e investigacion y traha un obra propio di arte/instalacion segun e storianan colecta. Paso nos kier haci un yamada na tur di e tempo ei cu sa algo o atende o a biba mes den un cas asina, pa bin na Ateliers '89 durante e workshop pa bin conta o mihor ainda conparti potret cu tur presente.

Habitantenan di edad di San Nicolas y participantenan di e workshop asina ta traha hunto ariba e proyecto aki pa converti esaki den un exito y hunto documenta e bunita herencia cultural aki di Aruba.

Dicon

Ta importante pa trece e parti herencia cultural aki bou di atencion na Aruba prome cu e bay perdi. Pa duna honor na esaki ta bay crea artisticamente un obra tres dimensional di un cas traha di bleki. E sorto di casnan cu a yega di existi na San Nicolas. Nos ta rescate y yame den presente.

Iniciadornan/docente

Karolien Helweg y Ruben de La Cruz dos artista cu a studia na Koninklijke Academie di Arte Visual na Den Haag Hulanda, ta traha hunto for di 2000. For involvimento social nan ta forma y produci proyectonan di arte, bienestar general y educacion conbina hunto. Anteriormente a haci investigacion na e casnan di bleki na Curacao, cu a resulta den e publicacion di e buki "De vergeten Monumenten van Curacao''.

  • Informacion practico
  • Titulo: Turn your Heritage into Art
  • Tecnica: Investigacion y Mixed Media.
  • Duracion: for di Dialuna 4 di September pa Diahues 28 di September.
  • Di dialuna pa diahuebs for di 6.30 pa 9.30pm. Edad 13 aña pariba.
  • Lugar: Ateliers '89, Academia Di Bellas Artes Aruba, Dominicanessenstr. 34 Oranjestad, rechts tegenover Maria College.
  • Inscripcion: skirbi elvis@ateliers89.com o yama 588 5776 o 565 4613




Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn