Un anochi cultural Aruba- Cuba, recordando algo mas di un siglo di relacion

~~Un anochi cultural Aruba- Cuba, recordando algo mas di un siglo di relacion
Den cuadro di celebracion di e ‘Oloshi Cultural’ pa aña 2014 lo tin un anochi cultural diahuebs, 11 di September 2014, di 7.30 pa 10or di anochi na Biblioteca Nacional Aruba, George Madurostraat, Oranjestad.

Biblioteca Nacional Aruba, Instituto Pedagogico Arubano y Departamento di Cultura ta invita pueblo di Aruba pa asisti na e anochi cultural aki. Lo trata ‘algo mas di un siglo di relacion entre Aruba y Cuba’. Lo tin un programa multidisciplinario cu charla, documentario, musica, filmina y declamacion:

Sra. Maria Elena Laclé-Sanchez for di Cuba lo presenta un documentario cu titulo ‘Una casca de pinda en el Mar Caribe’,
Sr. Daniel Laclé-Boch lo relata e historia di su tata, Hendrik Laclé, desde su salida di Aruba na 1920 na edad di 13 aña te na final di su bida.
Sra Digna Laclé-Herrera lo duna testimonio di bishita na Cuba di su casa Casilio Laclé na 1956. Tambe con Aruba a ricibi Hendrik Laclé como heroe na Aruba na 1957. Alabes Digna lo conta di su bishita na Cuba na 1986.
Mirto Laclé lo duna un introduccion encuanto migracion di Aruba pa Cuba.
E agrupacion musical ‘Sazon Cubano’ lo deleita publico cu nan musica Cubano.
Sra. Werleman, Dama Cultural, lo interpreta su cancion ganador ‘Oelele’, estilo tumba y tambu acompaña pa Vicente Ras.

Publico en general ta bonbini. Entrada ta gratis. E programa ta na encargo di sr. Mirto Laclé, tel. 7402044





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn