Un bihista na Scol Felipe B. Tromp

Diabierna autor di Buki pa Mucha, Sjoerd Kuyper, a bishita muchanan di Scol Felipe B. Tromp. Sjoerd Kuyper ta autor di e regalo di siman di buki. El a mustra e muchanan algun buki cu el a skirbi y el a conta algo for di e buki di siman ‘E buki mas excitante di mundo’.

Sjoerd Kuyper ta di Amsterdam y a cuminsa skirbi fe tempo cu e tabata chikito. Su prome obra di poesia tabata pa hoben y a keda publica cu su 16 aña. Na 1974 el a stop di studia filosofia y a cuminsa traha fulltime como escritor. Sjoerd Kuyper a publica storia y poesia pa adulto y mas cu 40 buki pa mucha. El a gana hopi premio pa su obranan. Kuyper a skirbi tambe pa producionnan pa television (Max Laadvermogen en De Freules) y scenario pa pelicula pa cual el a gana premio na Hulanda (Het zakmes). Di e novela pa hoben ‘De rode zwaan’ a traha un pelicula na 2001 y esaki a keda nomina pa ‘de Kleine Kinderkast’. Kuyper a skirbi letra pa cantica pa e musical ‘De scheepsjongens van Bontekoe’ y e musical ‘Turks fruit’. Na 2012 Sjoerd Kuyper a ricibi e Theo Thijssen-prijs 2012, e premio mas prestigioso na Hulanda pa literatura di mucha y hoben. E ta un premio pa henter su obra.

E ‘Regalo di siman di Buki pa Mucha 2017’ ta un regalo pa muchanan di Aruba. Por haya e buki gratuitamente na tur libraria ora di cumpra buki na un suma di 25 florin minimo. aE buki titula ‘E buki mas excitante di mundo’ ta na Papiamento y Hulandes. Ilustracion di e buki di festival 2017 di Aruba ta di artista visual y docente di arte, Stan Kuiperi. Traduccion tabata na encargo di sra. Evelyn Ruiz-Croes y redaccion di Jeroen Hoogerwerf. E buki a keda publica na Levendig Uitgever.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn