Un programa special na biblioteca

Reapertura oficial di biblioteca su edificio principal na George Madurostraat

Un programa special na biblioteca otro siman

Na september 2012 Biblioteca Nacional Aruba por a habri portanan bek di su edificio principal na George Madurostraat pa comunidad di Aruba. Pa celebra otro siman e reapertura oficial di biblioteca ta presenta un programa atractivo  pa un y tur.

E edficio principal di biblioteca tawatacera pa 2 aña  pa un renobacion completo. Durante e periodo aki biblioteca a presta servicio for di su sucursal na San Nicolas y  Departamento Arubiana na Bachstraat. September 2012 portanan a habri bek den George Madurostraat. E edificio tin un ‘fresh new look’ cu su colornan bibo. Pa celebra e reapertura oficial hunto cu publico en general biblioteca  ta presenta un programa special pa grandi y chikito den siman venidero di 14 pa 17 di januari den e edificio renoba den George Madurostraat. Un programa diverso di contamento di storia, presentacion di buki y presentacion musical.

Di Dialuna pa diahuebs lo tin un programa special pa publico en general:

Dialuna 14 di januari 2013

Atardi  16:00-17:00    Presentacion di e buki “de zaal van de twee waarheden” dor  di Leo  Sybrandy

                                         (Pa alumnonan di bovenbouw di scol basico)                            

 

Diamars 15 di januari 2013

Merdia 16:00-17:00   Presentacion di e buki “E prinses cu no kier a peña su cabey” pa Olga Buckley y Desiree Correa

Anochi 19:30-21:30    Anochi di conta cuenta y presentacion di un pelicula nobo di Compa Nanzi

  • Storyteller Amina Meeks-Blackwood (contado di cuenta Jamaica)
  • Storyteller Emerita Emerencia (contado di cuenta Aruba)
  • Author Carol Britton-Gonzaléz (Costa Rica) Cuentos afrocaribeños de la araña Anancy y sus amigos
  • Presentacion pelicula nobo di Compa Nanzi “Anansi’s Gift”

 

Diaranson 16 di januari 2013

Merdia 15:30-17:00   Workshop Introduccion skirbi cuenta cortico dor di Jules Marchena (condicion pa

                                         participacion: 16 aña bay ariba)

Anochi 19:30-21:30    Concierto, proverbio y mas

  • Presentacion buki di proverbio “tanten tin:  di Sr. Winnie Poulo                                                                      compaña  pa sr. Chaco Castro
  • Presentacion musical di sr. Jules Marchena (musico di Corsou)

 

Diahuebs 17 di januari 2013

Merdia 16:00-17:00   Storyteller Amina Meeks-Blackwood di Jamaica

Anochi 18:00-19:30    Presentacion di Club di Movimiento (ballet di Aruba) bou direccion di sra. Samantha  Westera

 

The healthy way

Mesora cu drenta e edificio bishitantenan di biblioteca ta topa cu un entrada atractivo.  Por sinta den hal y disfruta di algo di come of bebe  di  ‘The HealthyW way’. The Healthy Way a cuminsa brinda servicio di kantine na aña 2008 na Colegio Arubano y ta duna servicio tambe na por ehempel APFA y Universidad di Aruba. The Healthy Way ta ofrece cuminda saludabel na un prijs rasonabel.

Website

Tabata tempo pa cambia e website di biblioteca. E compania YFMG web consulting a diseña un otro website pa biblioteca. E website www.bibliotecanacional.aw ta bon bishita cu un averahe di 5000 bishitante pa luna. Biblioteca ta launch e website nobo e fin di siman aki. Biblioteca ta spera di por ofrece su bishitantenan WIFI desde otro siman. E Internetroom ta habri pa facilita personanan cu e servicio di uso di computer y busca informacion riba Internet.

Bookmarks

Na ocasion di reapertura oficial di edificio central a laga diseña un Bookmark nobo pa Biblioteca Nacional Aruba. Diseño ta di Nelson Gonzalez, artista visual. Biblioteca lo tin un bookmark pa cada bishitante den e proximo simannan. Nelson Gonzalez ta un artista visual contemporaneo cu a yega di participa na diferente exposicion, tanto local como internacional . E ta un diseño cu colornan bibo, den background un potret di un banda di e edificio di biblioteca. Riba e bookmark tin Haiku di sra. Digna Laclé-Herrera. Sra Digna Lacle Herrera ta un poeta, contador di storia y autora di e buki ‘Proverbionan’.

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn