Un Suela Saludabel, Un Bida Sano!

En conexion cu e siman di IV Green Education Symposium Aruba 2015 Biblioteca Nacional Aruba tin un presentacion di Olinda Rasmijn, tocante e mangelnan na Pos Chikito y Sandra Kelkboom cu un storia cortico di e mata D’abaru, pa muchanan di 8 pa 12 aña di edad cu e tema 'Suela Saludabel, Bida Sano'. 

Olinda y Sandra lo tey splicando di un manera agradabel na e muchanan dicon suela mester ta saludabel pa biba un bida sano! E presentacion aki ta tuma lugar den ‘Vertel Toren’, diahuebs 10 di september 2015, di 3 pa 4 ‘or di atardi.

Y pa e chikitinnan di 4 pa 7 aña di edad, lo tin un Poppenkast y weganan divertido, cu e tema aki tan actual. Esaki lo tuma lugar tambe den ‘Verteltoren’ riba diamars 8 di september di 3 pa 4 or di atardi.

Ta bon pa nan tur sa esaki for di chikito, pa asina nan mes percura pa cuida e matanan rond di nos. E mundo mester keda semper berde y saludabel pa mayan nan por crece den un ambiente sano. E Simposio Educativo ta wordo organisa conhuntamente cu Santa Rosa.

  • Actividad pa mucha di 4 pa 7 aña: diamars 8 di september di 3 pa 4 or di atardi
  • Actividad pa mucha: diahuebs 10 di september 2015, di 3 pa 4 ‘or di atardi




Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn