Vakantie grandi na biblioteca

Esaki ta un temporada cu hende tin poco mas tempo pa lesa. Nos ta spera cu tur miembro di biblioteca ta pasa busca mas buki den e dianan aki. Pa miembronan cu tin buki na cas ainda tin un areglo special, durante vakantie grandi biblioteca no ta cobra boet. Pa mucha tin un programa di lesamento, tres siman largo. Tambe ta pasa pelicula pa mucha den aire liber.

Durante vakantie grandi biblioteca na Playa ta habri diaranson anochi te 8or, pero e otro dianan biblioteca ta cera 5or. Biblioteca na San Nicolas ta habri diamars te 8or y tur otro dianan te 5or.

Pa tur anuncio y noticia por bishita e website www.bibliotecanacional.aw y e fanpage riba FaceBook. Tambe ta posibel pa reacciona riba ‘posts’, laga comentario of feedback y cuminsa un discusion. Y por haci pregunta. Un pabien na tur studente cu a bay over of a gradua y ta gosa di un vakantie bon mereci. Ta spera studiantenan bek na augustus dia scol habri. Pa un y tur biblioteca a haya bastante buki nobo den su coleccion. Un invitacion ta bay pa tur hende pa bishita biblioteca den vakantie.

Biblioteca Nacional Aruba ta invita tur mucha hunto cu amigo y amiganan pa bin disfruta di anochinan di pelicula na aire liber durante vakantie grandi. Ta cuminsa e siman benidero diaranson na sucursal San Nicolas y diahuebs na biblioteca na Playa cuminsando pa 7’or di anochi (patras di e edificio). Tin un skina di coi pasa boca cu Popcorn, Pan cu Hotdog, Mangel y Chips y un skina di Refresco y Juice. Entrada ta solamente un sonrisa!





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn