Vuurwerk in mijn hoofd

Biblioteca a haya “Vuurwerk in mijn hoofd”

Biblioteca Nacional Aruba a ricibi un ehemplar di “Vuurwerk in mijn hoofd” for di e autor sr. Roi Colastica di Corsou. El a entrega e buki na Sra. Astrid Britten directora di biblioteca. Colastica recientemente a presenta su ultimo publicacion na Aruba durante un anochi cultural na Fort Zoutman organisa pa Editorial Charuba.

Vuurwerk in mijn hoofd
Mescos cu tur mucha homber di 13 aña, Jurcell tampoco kier problema. E kier hunga bala y podise tin algo cu Taïma. Pero esey ta e mucha homber den spil so sa. Tog diripiente cosnan ta bay robes den su bida. Su tata e famoso futbolista, ta lag’e na caya. Welita ta bira loco. Jurcell ta haya amigonan nobo den su bida cu kier p’e haci cosnan robes. Anto tur caminda e ta topa Gerrit: den klas, riba veld di bala, riba caya. Ken ta mas sabi, mas miho, mas fuerte? Jurcell ta sinti cu e ta para su so. Danki Dios e ta haya yudansa, anto for di un direccion masha inespera.

Colastica
Roland Colastica (1960) autor, contado di cuenta, actor y productor di Corsou. Roland, miho conoci como Ròi a skirbi y/o publica diferente buki y obra teatral na Papiamento. Vuurwerk in mijn hoofd ta su prome buki pa mucha/hoben na Hulandes. E famoso autor hulandes, Sjoerd Kuyper a guia Roland den e proseso pa skirbi Vuurwerk in mijn hoofd. Sjoerd cu Roland ta bon amigo for di 1994. Roland Colastica ta participa pa casi 20 aña caba na siman di buki pa mucha na Hulanda y Aruba, caminda e ta bishita scol i biblioteca. Roland ta haci uso di atributonan teatral pa duna su contamento di cuenta un toke spectacular. Na 2006 Roland a ricibi e reconocimento cultural mas prestigioso di Corsou cu ta Premio Cola Debrot y na 2010 el a keda condecora pa Su Mahestad Reina Beatrix como Cabayero den Orden di Oranje Nassau pa su prestacion riba tereno di literatura y teatro.
Roland Colastica | Vuurwerk in mijn hoofd
ISBN 978 90 258 5998 5 | Prijs Afl 40.00





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn