Workshop arte recicla na biblioteca

Biblioteca Nacional Aruba ta ofrece studiantenan un workshop di arte recicla cu artista y pintor sr. William Michaels Guerrero di Bogotá, Colombia.

VI Green Education Symposium Aruba 2017 di Biblioteca Nacional Aruba ta invita e studiantenan di Aruba cu edad entre 10 y 17 aña pa un workshop cu lo ta na encargo di artista y pintor sr. William Michaels Guerrero di Fundación Cultural y Ecológica Colombiana di Bogotá, Colombia. Durante e workshop e studiantenan ta siña traha cuadranan sostenibel cu material recicla. E workshop lo cuminsa dialuna dia 4 di september y ta caba diabierna dia 8 di september. E trahamento mes cu material recicla lo ta di 4 pa 7 di september cuminsando for di 2:30 p.m. pa 4:00 p.m. den Sala Diamanta na Biblioteca Nacional Aruba situa den George Madurostraat 13. E exposicion di e cuadranan sostenibel pa publico general lo ta diabierna 8 di september for di 8:00 a.m. pa 7:00 p.m.

Pa inscribi pa e workshop di sr. William Michaels Guerrero por jama y puntra pa srta. Janine Bislik of sra. Giselle Meye-Laclé na tel.: 5821580 na Biblioteca Nacional Aruba. Cuponan ta limita y e inscripcion ta gratis.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn