Workshop fotografia creativo na biblioteca

Biblioteca Nacional Aruba ta ofrece un workshop di fotografia creativo basico. Durante 8 sesion ta purba desaroya ‘the eye’ un poco mas, siña wak bon y ripara cada detaye den un composicion. Ta combersa riba diferente tema di fotografia creativo basico. Esaki ta pa adulto y hoben.

Pa medio di diferente tarea ta bay studia con ta saca potret di un obheto of paisahe for di diferente angulo. E fotografo ta purba diferente posicion. Puntonan importante cu ta toca ta e composicion, luz, color, calcula e miho momento y e perspectiva. Ta papia riba e resultado hunto. Hopi atencion ta bay pa e composicion. Enfoke lo ta pa descubri bo propio estilo of gusto. Participantenan ta trece nan camera digital y un memory stick. Workshop ta consisti di 8 sesion, 2 biaha pa siman, dialuna y diaranson di 5or pa 7or y ta cuminsa 1 di juli 2015. Docente ta artista visual, Nelson Gonzalez. Esaki ta costa 125 florin.

Workshop ta consisti di 8 sesion, dialuna y diaranson di 5or pa cuarto pa 7 (18:45PM) y ta cuminsa 1 di juli. Dianan ta 1, 6, 8, 13, 15, 17, 20, 22, 24 y 27 di juli. Por registra via info@bibliotecanacional.aw. first-come, first-served.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn