Workshop fotografia na biblioteca

Den cuadro di Lifelong learning, Biblioteca Nacional Aruba ta ofrece un workshop di fotografia intensivo pa principante. Durante 1 siman cursistanan ta yega na domina e tecnica di fotografia un poco mas, siña wak bon y ripara cada detaye den un composicion. Esaki ta tuma lugar di dialuna 30 di november pa diabierna 4 di december di 9or pa 12or y mey na biblioteca na Playa y ta habri pa adulto y hoben.

Docente y fotografo profesional pa e curso intensivo aki ta sr. Ramon Castillo, un fotografo  profesional cu mas cu 14 aña di experencia. Rekisito ta un spiegelreflex camera cu manual mode.

Topiconan cu lo cubri ta: Wak trabou di fotografonan grandi den historia, diferente parti di un camara, logica di un camara, potret cu diferente shutter speed, Midi lus, Obhetivo y lens, profundidad den composicion (scherpte/diepte), composicion, regla di composicion, combersacion tocante ki ora no ta usa e reglanan di composicion, revision y analisis di e trabao di fotografonan contemporaneo, practica/ehercicio. Ta papia riba e resultado hunto den grupo bou guia di e docente. E workshop ta costa 90 florin pa persona y por registra via info@bibliotecanacional.aw





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn