Workshop pa studiante na biblioteca cu tema ‘Healthy Soils, Healthy Living’

Dia 8 di september  di 2or pa 3or y mei di atardi Gisbert Boekhoudt ta duna un workshop pa e alumnonan di Mon Plaisir College na Biblioteca Nacional Aruba. E workshop ta titula "Midi bo suelo y sa con pa cuide".
 
Durante e tayer Dienst Natuur & Milieu ta guia y laga e studiantenan mes midi diferente tipo di suelo di Aruba. E studiante ta hasi tres midimento, dos cu productonan di cas y uno cu un product mas cientifico. Na final lo compara e resultadonan di e diferente suelonan y discuti cua mata por crece mas mihor riba cua suelo basa riba e resultado.
 
Dia 9 di September for di 2 'or pa 3 'or y mei di atardi Filomeno (Boey) Marchena lo trata cu e studiantenan di Mon Plaisir College e historia di desalinacion di awa di lama pa produci awa potable y industrial na Aruba. E tecnologianan cu a wordo usa ta wordo splica den detaye y tambe ta elabora riba e diferente problemanan cu ta encontra den e proceso di desalinacion cu e planta nan termico y di membrana. E solucionnan cu a wordo desaroya y aplica na Aruba pa haci desalinacion di awa di lama un tecologia estable y tambe condicionamento di awa potable pa elimina awa bruin y blouw lo wordo splica detayadamente. Despues di e parti teoretico lo demostra un planta piloto pa investiga e proceso solar pa desalina awa salo y tambe lo demostra algun tecnica cu ta wordo usa pa analisa e calidad di awa dushi.
 
Dia 10 di September for di 2or pa 3or y mei di atardi docente/medio ambientalista Olinda Rasmijn lo trata e tema "Mangelnan ta di gran balor pa nos Medio Ambiente" cu e studiantenan di Mon Plaisir College na Biblioteca Nacional Aruba.


 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn