Workshop Skirbi bo storia di bida

Biblioteca Nacional Aruba ta cuminsa un workshop pa un grupo chikito di 60-plussers ‘Skirbi bo storia di bida’. Esaki ta cuminsa diabierna dia 15 di februari, di 5or pa 7or. Tin 8 encuentro na biblioteca, tur diabierna atardi mes un orario.

Kico ta e idea? Participantenan ta bay skirbi nan storia di bida na nan manera. Por tuma potret como guia pa conta storia. Participantenan por scan potret for di album pa acompaña e texto. Tambe por scan otro recuerdonan manera diploma di scol por ehempel of pintura, obra di man, otro documentonan. Por saca potret di articulo cu a warda manera por ehempel un paña of zapato.

Participantenan mes ta conta loke nan ta corda pero por entrevista otro miembronan di famia of amiga/amigo y bisiña tambe y por consulta buki di historia y corant bieu. E encuentronan ta pa guia e proceso. Participantenan por inspira otro y intercambia di idea con ta yena e storia. Un bibliotecaria ta guia e escogencia di potret y skirbimento si tin mester y ta haci algun pregunta pa stimula e memoria. Asina poco poco ta construi un linea den e storia. Participantenan ta sigui skirbi na cas den siman.

Posibel gastonan ta costo di scan imahen y print papel. Por usa computer, Internet y WIFI na biblioteca, e servicio aki ta gratis.

(Por registra dor di yama biblioteca y duna number cerca Lena)





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn