Yuda talento musical y disfruta di bon musica

Carlos Bislip jr. hunto cu coleganan musico ta organisa un ‘Benefit concert’cu musica varia. Esaki ta tuma lugar na Cas di Cultura, diasabra dia 16 di augustus y ta cuminsa 8or. Pero prome cu e concierto cuminsa tin un encuentro special entre cantantenan, musico y publico.
Ta invita publico pa bin ya pa 7or di anochi  pa e  ‘Meet the artist’ y un brindis chikito (Cocktails and cheese).
Durante e brindis publico por combersa cu e cantantenan y musiconan y haci nan pregunta tocante nan carera, instrumento, duna presentacion of otro temanan musical. Cantantenan cu ta deleita publico ta Vale Croes, Placido Hazel, Rocco Flava y Tommy Lee. Musiconan ta entre otro Delbert Bernabela (Saxofonista), Franklin Granadillo (Trompet), Angelo Kock (Keyboard), Ivan Quandus (Baho), Lidrick Solognier (Drums y conga) y Carlos Bislip jr. (Percussion y dirigente).
Ta organisa e Benefit concert aki pa genera fondo pa yuda mucha cu talento sigui tuma les. Durante e brindis lo tin raffle tickets na benta pa diferente premio. Na final di e anochi ta anuncia e ganadornan. Fondonan cu ta genera cu benta di tickets pa entrada y ticket di rifa lo wordo entrega na Fundacion Donny Lacle. E fundacion aki sa otorga beca na studiantenan di musica y e fondonan genera e anochi aki  lo wordo administra door di fundacion aki.
Un invitacion ta bay na tur amante di musica y sostenedornan di enseñansa di musica pa cumpra un carchi di entrada pa solamente 35 florin, yega 7or pa disfruta di e “Meet the Artists” y cumpra rifa pa gana un bunita premio y sostene e bon causa . Pues, un evento musical cu tur hende, grandi y chikito por disfruta di dje.

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn