3 ganador cu sonrisa grandi
22/10/2018
Diabierna ultimo den presencia di directora Astrid Britten, representante Maarten di Martijn Trading y mondhygienist Mirto Tromp, 3 mucha a ricibi un bunita premio. Nan a gana e concurso di pintamento di Shon Coneu di Martijn Trading.
E concurso a tuma lugar na biblioteca na unda Mirto Tromp a conta un storia di Shon Coneu na un grupo di mucha. Nan a haya informacion con pa mantene djente limpi y cuida nan bon. Tur e muchanan a ricibi un skeiro di djente y pasta di Colgate. Martijn Trading a selecta 3 ganador. E muchanan cu a gana un premio ta Lia Gilthorn, Ellesee Jansen y Xiondrick van der Linde.
Sigur sigur e muchanan a keda masha contento cu nan regalo di Martijn Trading.
