Alydia Oduber-Wever cu ‘Expresion 2018’

June 27, 2018

Alydia Wever ta presenta un show di baile e siman aki den studio di Skol di baile Diana Antonette. E studio caminda cu Alydia a lanta situa parti patras di Cas di Cultura na Oranjestad. Tin dos presentacion, diahuebs y diabierna, 7or. (28+29 di juni, 2018)

Alydia y su famia a dicidi di muda bay biba na Hulanda y e ta trece e presentacion aki como un despedida. E presentacion ta titula ‘Expresion 2018’. Esaki ta un explosion di 10 expresion diferente, solo’s y grupo di bailadornan cu Alydia tin hopi tempo ta traha cu ne. Cada bailador ta trece algo unico. Alydia ta expresa su desaroyo como bailarina y coreografo for di bailenan tradicional pa contemporaneo pa su propio estilo autentico. Pero al mismo tiempo e ta expresa un poco frustracion cu su desaroyo como artista riba un isla chikito. E frustracion aki a contribui na e decision pa bay biba na Hulanda.

Tur amante di baile ta bon bini na Scol di baile Diana Antonette pa experencia ‘Expresion 2018’ di Alydia Oduber-Wever. Carchinan ta 25 florin p.p.

Scroll To Top

Newsletter