Amistad for di Hulanda

November 8, 2018

Biblioteca Nacional Aruba a invita autornan di buki pa mucha for di Hulanda. Jeroen Hoogerwerf, Mariska Hammerstein, Danielle Schothorst y Evelien van Dort. Nan ta bishita diferente scol e siman aki den cuadro di Festival di Buki pa Mucha. Nan a bin Aruba cu nan maleta yen di storia y otro sorpresa.

Tur cuater autor tin hopi aña di experencia di skirbi storia pa mucha y presenta den klas. Ta proba cu mucha ta hay mas smaak pa lesa ora cu tin contamento di storia y ora tin contacto cu autor y ilustrador. Muchanan ta haya mas interes a base di interaccion. Ta pesey biblioteca ta organisa actividadnan pa stimula mucha pa lesa. Esaki ta un habilidad cu tin hopi beneficio pa e mucha por comprende e mundo rond di dje.

Pa e mesun motibo Biblioteca Nacional Aruba ta publica un buki pa mucha na Papiamento y Hulandes. E aña aki e buki ta un compilacion di 15 storia titula ‘Amigonan tur caminda’. E autornan Hulandes ya menciona tambe a contribui cu un storia tocante amistad.

Scroll To Top

Newsletter